محشش راح لهولندا.. من رجع صديقه گاله احچينه اشفت ما شفت بالخارج ؟ گله يمعود من كثر المزارع بس يعجبك اصير طلي
مدرس سأل طالب غبي گاله: أبوك شگد عمره گال ما أدري أستاد بس هوّه من زمان عدنه
غبي عنده ضرس مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الكلب.
اثنين إعجوزچيه..واحد اتثاوب ..الثاني گال له: ميدام فتحت حلگك متصيحنا على ماي صارلي إسبوع عطشان
وحدة كَالت لامها دا اتصل بزوجي ومدا يرد اخاف يطلع متزوج ردت الام :ماما تفائلي بالخير يجوز صار انفجار ومات
كردي راح للكويت .. من رجع ديحجي لجماعته كللهم هااااااي شنو الكويت رهيبة شكد انبياء بيها .. نبي نروح .. نبي ناكل .. نبي نشرب .. نبي نطلع .. نبي ننام .. لو اضل للصبح اعددهم ما يخلصون
اكو واحد محشش مر من يم مزرعة ابقار سال الفلاح كلة شنو انتو تزرعون ابقار ؟ جاوبة الفلاح ناصب علية.....كلة اي نرش شكر على الكاع وثاني يوم يطلع بقر...راح الممحشش رش شكر واجة ثاني يوم لكة الكاع بيها نمل كال الله : الله شكد البقر حلوين من همة صغار
وحدة نازوكية دلوعه ابوهة يشتغل كصاب سالوها ابوج شيشتغل؟كالت بابي يكشر خرفان
حرامي تزوج من حرامية ..جابو ولد ضاب ايده فتحوها لقو بيها خاتم
الدكتورة
محشش راح على ابو محل و كاله عندك بيبسي حار ابو المحل كال اي - كله
خليه بالثلاجة
هيفاء وهبي سألت شيخ: شيخنا ممكن ابوسك؟ فقال لها : بنتي ليش هو فعل
الخير يحتاج سؤال
شريط طاح من فوق عماره وما انكسر ليش؟؟
فلم هندي..
كومبيوتر كال لكومبيوتراية
انتي طالق كالتلة والسيدي الي بطني؟؟
قال لها : قد لا أكون غنياً .. ولا عندي سيارة ولا فيلا ولا مزرعة ولا شركه ولا فلوس مثل صديقي محيسن ولكني أعشقك واحبك .. فضمته ودمعت عيناها وقالت : إن كنت تحبني حقاً فعرفني على محيســـــــــــــــن
واحد متدين امة سالتة شلون تريدها العروستك ؟ قال" اريدها و العياذ بالله و العياذبالله تشبه اليس
مره اثنين حشاشين واحد قله لللاخ تعال نصير فنانين تشكيليين انته تشكيلي و اني اشكيلك
لاحظ أحد المدرسين أن احد تلاميذه يغش في الامتحان فأقترب منه وقال له : من غشنا فليس منا ، فأجابه التلميذ : من راقب الناس مات هماً
------------------------------------------------
بنت راحت للشيخ وقالت له شيخنا شنو عقاب بنت تبوس حبيبها قال الشيخ تروح للجهنم و قالت واذا تبوس الشيخ قال الها ها كلاوجيه تريدين تروحيين للجنه
نمر فات من كدام بزونه تلحك فارة كال ايباااااه شكد حلوة ايام الابتدائيه
------------------------------------------------
دليمي شاف كاظم الساهر بالمستشفى كله اريد آخذ صوره وياك كله كاظم ماكو كاميرات بالمستسفى كله الدليمي بروح ابوك حتى لو اشعه
دليمي مخيم بالصحراء، دخل عليه واحد گلله: آني تعبان من الشمس.. گلله: تشرفنا ، وأني حمادي من الأرض
فد يوم كردي خطفو ابنه ركظ وراهم الراس الشارع تعب و وكف كاللهم روحو لا محلل ولا موهوب
افريقي و ابنه من اكله لحوم البشر شافو هيفا وهبي بالغابه الابن كال لابوه ناخذها البيت وناكلها ,,كال الاب ناخذها للبيت و ناكل امك
كردية لكت مكتوب في جواز رجلها رجل اعمال مسحتها كتبت رجل نسرين
--------------------------------------------------------------------
مرة اثنين راحو لمحطة القطار لكو القطار بدا يحرك ظلو ركض وراه الى ان واحد منهم لحك وصعد بالقطار الثانى وكع بالكاع من الضحك كالوله شبيك كال هذا اللى صعد جان جاى يودعنى
--------------------------------------------------------------------
عشرة كراد سووا مظاهره عالامريكان لبِّسوا واحد منهم ملابس بوش وحرقوه
------------------------------------------------------
فد مرة بنية وصلت متأخرة عل دوام .سئلتها المدرسة ليش متأخرة؟؟ كلتلها: ست موجان اكو ولد ديمشي وراية. كلتلها المدرسة: زين هو يمشي وراج انتي ليش تأخرتي؟ كلتلها ست مو جان يمشي عل كيفه
واحد كل الصديقته من أطوطلج تنزلين للشارع ...كلتله عالخير مشتري سيارة ..كلهه لا اشتريت طواطة
--------------------------------------------------------------
واحد فات على مطعم يريد يتعشه وماعنده فلوس. فاهل المطعم مقبلو ينطو اكل فكال: اذا منتطيتوني اكل راح اسوي مثل مسوه اخويه خوش فخافوا منه وانطو اكل فمن كمل سألو: شسوه اخوك؟ فكال: نام بدون عشه انيااااااااا
--------------------------------------------------------------
واحد ناصريه خبيث يريد يطلع سيارته من الكراج شاف واحد يريد يوكف مكانه رجع واخذ تكسي
هههههههههههه
--------------------------------------------------------------
واحد گال لأبو المطعم: عندك أجنحه؟ گلله : إي .. گلله لعد أريدك تروح طاير وتجيبلي نفر كباب.
--------------------------------------------------------------
كردي شاف صاروخ طاير بالجو..كال هذا شكد يسوة وشكد سعرة..كالولة هذا يسوة ملاييييين.. كال لعد يا رب يوكع ابيتنا
--------------------------------------------------------------
وحده حلمانه واحد يركض وراها .. گالت له: ليش تركض ورايه؟ گاللهه: آنه أدري؟؟ انتي اللي حلمانه
--------------------------------------------------------------
عجوز شافت جني كالت اعوذ بالله منك ومن شكلك ...كاللها:شلونج انتي عاد ليلى علوي
--------------------------------------------------------------
مخبل حاط اذنه على الحايط اجة عليه الدكتور وكلة شبيك ؟ كال تعال اسمع كال الدكتور مدا اسمع شي المخبل كله هذا الي مخبلني
---------------------------------------------
اكوا واحد خابر مرته كلها احميلي الماي ... صاحبه كله لو هيج الزلم لو متنراد كله لعد شعبالك قابل اغسل المواعين بمي بارد
------------------------------------------------
واحد سالوه اشتريت ملابس للعيد كاللهم ليش اني مشتري النفسي على مود اشتري للعيد
----------------------------------------------
واحد سالوه اشتريت ملابس للعيد كاللهم ليش اني مشتري النفسي على مود اشتري للعيد
------------------------------------------------
في واحد خبل دخل على مرته ليلة العرس لقاها تستحي قال : الاخت اول مرة تعرس
------------------------------------------------
مصلاوي إبنه إنفشخ راسه فوداه للمضمد و سأله: شكد يكلف خياطة الجرح، المضمد قال: 10000 دينار فالمصلاوي كال، لا عيني لعد دكدكله بسامير
------------------------------------------------
زوجه كالت الوجهه دلعني كللها انتي حمامه
كالت لا اني غزاله
كلله المهم حيوانه
------------------------------------------------
اكو حجيه بس تجذب ولدهه كالو خلي ندزهه للحج بلكي تبطل جذب اول مرجعت كلولهه ها شخبار الحج؟كلتلهم سكتو مو الطياره و كفت و نزلنا دفعناها
هههههههههههههه
-----------------------------------------------
محشش دخل شركه وكال وين المدير
كالوله المدير العام
كال لامدير هاي السنه
------------------------------------------------
كلب شوارع مر بصف مركز شرطه
وشاف كلب بوليسي
كال آآآآآآآآآخ لو مكمل تعليمي
------------------------------------------------
حشاش دعم أثنين بسيارته واحد مات والثاني متكسر.. گام المتكسر يصيح.. گال له المحشش شبيك تصيّح أشو هذاك مات وكلشي ما گال
------------------------------------------------
فد يوم واحد ناصريه خبيث هوة وصاحبة سوداني كاعد يمشون لكو مصباح سحري طلعلهم مارد كال اطلبو السوداني طلب كال اني اريد اتسويني ابيض حتة بعد محد ايعيب علية سواة ابيض كال للخبيث ابو الناصريه انتة شتريد كال كلشي ماريد طلبي ترجعة اسود
--------------------------------------------
اكراد جاي يسوون دعاية ببسي.. واحد يشرب والثاتي يگلله: بقيلي شويه ... بقيلي شويه
---------------------------------------------
وحدة إشترت بيبسي.. فتحته سوه: فس س س س س س گامت تبچي گللهه ابو المحل ليش تبچين؟؟ گالتله: تذكرت فسوة المرحوم
--------------------------------------------------------------------------------
حشاش وكف تكسي وكله .. توديني وين .. وانطيك شكد .. ابو التكسي هم محشش .. كله انزل هنا وادفع شكد ما يعجبك
---------------------------------------------
واحد راح يشتري دوه لأبوه من الصيدلية، رجع لگاه ميت، گال: شوف السخيف
------------------------------------------------لبناني وعراقي مضيعين نسوانهم الاول گال مرتي لابسة جينز قصير وضيق وبدي شفاف ومرتك؟گال العراقي : خلي تولي امشي ندور على مرتك
------------------------------------------------
امحشش وكف يمه سوداني بالصلاة, الشيخ كال استووا وأستقيمو, المحشش كال اني استويت بس اليمي احترك
------------------------------------------------
سوداني كظوه بالسيطرة كالولة .. انتة سوداني .. كال .. لا لبناني مظلل ..ههههههههههههههه
------------------------------------------------
كردي ودليمي لعبو غميضه عام 1980 ولحد هسة مفقودين
فد يوم واحد انضم للجيش فصاح علية الضابط ديختبرة يعني
ايشوف الحالة النفسية مالته فكلة:ـ
اذا جاك جندي من العدو شتسوي؟
رد علية الجندي الجديد كلة :ـ
سيدي اضربة طلقة وكتلة ابمكانة
الضابط :ـ عفية بيك ـ زين اذا اجاك خمس جنود؟
الجندي :ـ سيدي احط الرشاشة على الصلي وخرطهم وذا بقى واحد بيهم اطلق علية رصاصة الرحمة وموتة
الضابط :ـ عفية وليدي انت بطل.زين وذا اجاك عشر جنود؟
الجندي :ـ سيدي اطشر خمسة برمانة وحط الرشاشة على الصلي وخرطهم وذا بقى واحد عايش اضربة رصاصة الرحمة وموتة
الضابط :ـ شنو انت منو مثلك ـ زين اذا اجاك عشر جنود وياهم دبابة؟
الجندي :ـ سيدي اضرب الدبابة اربي جي وبعدين اطشر خمس جنود برمانة وحط البندقية على الصلي وخرطهم وذا بقى واحد عايش بيهم اضربة رصاصة الرحمة وموتة
الضابط :ـ انت ذيب امعط عفية بيك. زين اذا اجاك ثلاثين جندي وياهم دبابتين و طيارة اباشي شتسوي؟
الجندي :ـ سيدي اخلي رصاصة الرحمة براسي واموت نفسي من طاح حضة الهيج جيش شنو وحدي بساحة المعركة??!!!!
هههههههههههه
---------------------------------------------------اكو جن متلبس بــــ سوداني كلة الشيخ اطلع كال منين اطلع كلها ضلمة
__________________________________________________ ___
معلم سأل الطلاب بالصف منو يريد يروح للجنة؟ كل الصف رفع ايدة بس واحد مارفع ايدة سألة المعلم ليش أبني متريد تروح للجنة؟ كلة الطالب: أمي و أبوية كلولي من تخلص المدرسة ترجع للبيت رأسا
__________________________________________________
عراقي گال لمرته: اليوم أريد منّچ رومانسيات، خابرت لأمه سألتهه: شنو رومانسيات؟؟ گلتلهه: والله يمه ما أعرف، بس للإحتياط نگعي الباكلله وإسلگي اللحم
__________________________________________________
كردي إتزوج وحدة رومانسية فكالت له: إنطيني كلمة تحسسني بالدفء، فكاللها: قمصلــــــــة هههههههههههههههههههه
__________________________________________________ واحد يريد يتعرف سأل بنيه كلهه انتي شسمج ؟؟ كالتله اني اسمي موجود بكل بستان و بكل حديقه كلهه كافي عرفتج اسمج صونده
__________________________________________________
بخيل احترك بيتة رمش لمديرية الاطفاء
______________________________
محشش يركض ورة دب بلغابة ليش ؟؟ يريد يشدلة سيم كارت
_______________________________________________
واحد خبيث كرصتة حية كعد يضحك كالتلة الحية ليش تضحك ؟ كال بية ايدز
__________________________________________________
بطه شافت طلي سالته ليش ما ذبحوك بعاشوراه كاللها اني مسجل بالمنفيس حمار
__________________________________________________ مره كردي بعد ما يعرف كلمة (استنكي) راح للسوق كال لبايع كاكا يصير يأخذ طماطة أنتخابات؟ فد
__________________________________________________ فد يوم وحده غبيه ابوها كاللها اجاج اخ كالتله لتكول لأمي خليها مفاجأه هههههههههههه
__________________________________________________
محشش جاء له ملك الموت فقال لهأنا عزرائيل فقال المحشش والله خرعتني عبالي مغاوير الداخلية
-------------------------------------------------
ولد يسأل امه ليش جيراننه يجيبلنه كلشي للبيت؟ قالتله : لو اعتمد عله ابوك جان حته انت ما اجيت
--------------------------------------------
فد مره محشش طب لمحل وره اشويه طلع يضحك سألوا جماعته اشبيك تضحك كال نصبت على ابو المحل اطيته افلوس وماشتريت شئ
------------------------------------------
واحد سوداني صار بيه صخونه ... كامو يهفوله ...جان يجمر
.................................................. ...............
يكلك فيترجي صادق وحدة بالماسنجر فتح وياها مايك كالتله الصوت ديكطع كلها هاي صوج الكابريتر لو صوج البلكات
--------------------------------...
هندي تعوذ من الشيطان, طلعله الشيطان سطره راشدي و كله: ما باقي علينا غير هالشكولات..
--------------------------------------------------------------
حشاش راح لأمريكا شاف الشباب لابسين تيشيرتات مكتوب عليهه كوكا كولا.. رجع كتب على دشداشته نومي بصرة ...
--------------------------------------------------------
مدرس گال للطلاب رسمولي حمار.. گلوله اطلع برا علمود لانغش
------------------------------------------------
محشش اول مرة يشوف واحد فلبيني.. كال هنياله هذا شبعان نوم...
---------------------------------------------------
ايكلك محشش دينظف اذنه بالسويج اشتغل دماغه وظرب الحايط....خخخخخخخ......
--------------------------------------------------
محششة ضايجة ، جارتها كالت هاي ليش ضايجة ، المحششة كالت دزيت ابو الجهال للسوق يجيبلي فاصوليا دعمته سيارة ومات ...جارتها كالت و شراح تسوين كالت اسوي باميا وامري لله
------------------------------------------------
لبناني تعرف على يمني قاله: هذي زوجتي باسكال..قال اليمني وهذي زوجتي بانعال
-----------------------------------------------------------------
م): محشش سئلوه ماهو سبب عدم زرع التين بالارجنتين ؟ اجاب قائلا : لانها من الدول اللا ـــــــ تينية....
واحد ديمشي بسيارته بالازدحام ... جان واحد يدك عليه شباك السيارة ... فتح الشباك وسأله: "تفضل اخويه" ... كاله: ابو البانزين خانه خطفوه ويريدون فديه 100مليون دولار ... واذا الفديه ما اندفعت الخاطفين هددوا يحرقون ابو البانزين خانه مباشر على التلفزيون بالبانزين والنار واحنا دنجمع تبرعات ... تحب تشارك؟؟؟" ابو السيارة كله: " والناس شكد متبرعين لحد هسة تقريبا؟؟؟" جاوبه : "من 5 الى 10 لترات
-------------------------------------------------------------------
يكلك اكو فد محشش خطف مريه عجوز وراح انطاها لحارس مال مدرسه بنات ليش؟؟ ؟ ؟ ؟ ؟ ؟ ؟ ها ليش يامعودين علمود يراوسها بشكم بنيه هههههههههههههههه
------------------------------------------------------
في واحد اشترى عطر جورج قرداحي رش منه رشة طلع له سؤال ... خخخخ
------------------------------------------------------------------
واحد سأل محشش قال له هذا البنك فاتح قاله المحشش لا غامق.. مع تحيات
------------------------------------------------------------------
فيترچي كاتب قطعه (تفصيخ سيارات)، بالليل إجه واحد ناصريه شال الصاد وحط خاء مكانها وانهزم....
--------------------------------------------
ناصرية سأل شيخ جامع، گلله: صحيح الصلاة ما تصير إذا الواحد شارب؟ گلله طبعا.. گلله: شنو رأيك سويته وصارت
